El teremòt

Gardone Riviera, Morgnaga
E po’ ‘na nòt, quasi a mezanòt,
la g’ha trat en gran bòt,
la Tera la s’è ‘nrabiada
e la g’ha dat ‘na grand squasàda
da fa vègner i vermi ach ai liù
e figuràs ai macù.
L’è nada zo de servèl
perché sö ògni dosezèl
i‑ha fabricà sensa lüzüra
fin a npinì ògne fesüra
e la püdia piö respirà
come ghe ocuria de fà.
Piötòst de mörer la s’è girada
e la g’ha dat ‘na gran tunàda
da fa burlà zo cop e camì
e fa strimì grancc e picinì.
En tancc i‑è scapé de ca’,
i‑è birulacc föra al remenà,
tremolèncc de frèt e de spavènt
dal cataclìsma che ‘I salva niènt.
Söi mur crepe come sgrabîòcc
a ruinà ca’ e palasòcc.
L’era de noèmber el ventiquàter
e l’an el dumilaquàtér.
E me ghe ‘ngüre gna al piö tónt
de proà chela fi del mond

Il 24 novembre 2004 alle 23.59, ora locale, una scossa di magnitudo pari a 5.2 ha interessato la provincia di Brescia ed è stata localizzata in un’area a ovest del lago di Garda, compresa fra i comuni di Vobarno, Salò, Gardone Riviera e Toscolano Maderno.

Prima pubblicazione il: 22 April 2020 @ 13:00

Link all'articolo originale: http://www.gardanotizie.it/el-teremot/

Lascia un commento